Kutumb

Amit Kumar ek company mein naukri karte hain. Woh accountant ke post par hain. Unki patni ka naam Pooja Kumar hain aur un dono ke do bacche hain. Ek ladka aur ek ladki. Ladke ka naam Sushant Kumar hain aur ladki ka naam Priya Kumar hain. Priya, Sushant se do saal choti hain. Aaj inke dono bacche bade ho gaye hain aur woh dono College mein padh rahe hain. Priya engineering ki padhayi kar rahi hain aur Sushant ka MBA poora ho chuka hain hain. Ab Sushant naukri ki talaash kar raha hain. Amit Kumar ka bas ab ek hi sapna hain, ki woh apne dono baccho ki shaadi dhoom dhaam se karaye. Kuch dino ke baad, Sushant ko ek multi-national company mein naukri mil gayi.

Ek din, Amit ne Sushant se kaha ki uske liye ek rishta aaya hain. Ghar mein ladki ki tasveer aayi aur sabhi ne dekhi. Ladki behad khubsurat dikh rahi thi. Amit ne Sushant ko ladki ki tasveer dikhayi aur usse pucha, "Ladki pasand aayi ?"

Sushant - "Haan. Thik hain."

Amit - "Woh log milna chahte hain. Toh kya tum tayyar ho ?"

 Sushant - "Haan. Jab bhi aap kahenge, main un logon se mil lunga."

Amit - "Toh thik hain. Main un logon se baat kar leta hoon."

Sushant - "Thik hain Papa."

Kuch dino baad, dono parivaar mile aur unke beech mein rishta tai ho gaya. Agle hi din, un dono ki mangni ho gayi. Jis ladki se Sushant ki shaadi ho rahi thi, uska naam Ashwini tha. 

Ashwini dikhne mein behad sundar aur sushil thi. 

Ashwini ke pita - "Aap logon ki agar koi iccha ho toh zaroor bataiye."

Amit Kumar - "Ji nahi. Hamari koi bhi demand nahi hain."

Tabhi Pooja ne Amit se kaha, "Zara aap do minute ke liye yahan aaiye ?" Yeh keh kar woh thoda dur chali jaati hain.

Amit Kumar, Ashwini ke pita se kehte hain, "Main bas abhi aaya bhaisahab." Aur phir woh Pooja ke pass chale jaate hain, aur kehte hain, "Haan kaho ?"

Pooja - "Yeh aap kya kar rahe ho ?"

Amit Kumar - "Kya matlab ?"

Pooja - "Aap dahej kyun nahi le rahe ho ?"

Amit Kumar - "Kyunki yeh sahi nahi hain."

Pooja - "Mere pita se toh aapne dher saara dahej aaitha tha ?"

Amit Kumar - "Woh maang maine nahi ki thi. Woh mere pita ne liya tha, tumhare pita se."

Pooja - "Lekin ?"

Amit Kumar - "Lekin Vakin kuch nahi. Hum dahej nahi lenge bas."

Pooja - "Apni ek beti bhi byahani baaki hain. Kaise karenge hum uski shaadi ?"

Amit Kumar - "Woh tab ka tab dekha jaayega."

Pooja - "Lekin meri baat ek baar aap sunn toh lijiye ?"

Amit Kumar - "Ab tum chalo. Sushant ki shaadi agar hogi, toh isi ladki ke saath hogi. Bahut khubsurat aur guni bahu mil rahi hain tumhe, yeh rishta tum bigadne mat do. Chalo mere saath." Yeh kehkar Amit wapas chale jaata hain. Waha par pahuchte hi, woh baat ko sambhalne ke liye kehta hain, "Bhaisahab darasal Pooja chahti hain ki, ek baar agar Sushant aur Ashwini ek dusre se akele mein baat karle toh behtar rahega. Aakhir zindagi toh in dono ko saath mein hi bitani hain."

Ashwini ke pita - "Haan zaroor kyun nahi."

Uske baad, Ashwini aur Sushant ko, un dono ki maa ghar ke chath par le jaate hain aur woh dono waha par kuch der ke liye akele mein ek dusre se baat-cheet karte hain. Thodi der baad, woh dono neeche aakar sabhi se Shaadi ke liye 'Haan' kar dete hain. Agle hi din, un dono ki sagaai kar di jaati hain. Ek mahine ke baad, un dono ki shaadi hone wali hoti hain. Shaadi ki tayyari bohut joro-shoro se hoti hain aur bohut dhoom-dhaam se un dono ki shaadi bhi hoti hain. 

Ghar par kadam rakhte hi, agle din se Ashwini ghar ka saara kaam sambhal leti hain. Woh ghar ke sabhi sadasya ka poora khayal rakhti hain. Lekin, Pooja us se baat-cheet karne mein aksar bachti hain. Kuch dino mein hi, Ashwini aur Priya ek dusre se bohut ghul-mil gaye the.

Ek din ki baat hain, jab woh dono ek dusre se baat-cheet kar rahe the. 

Ashwini - "Toh Priya, tum shaadi kab kar rahi ho ?"

Priya - "Bhabhi." Kehkar sharma jaati hain aur apna sar neeche kar leti hain. 

Ashwini - "Bolo na. Aise sharmao mat. Kabhi na kabhi toh tumhe shaadi karni hi hogi."

Priya - "Nahi main shaadi nahi karungi." Yeh kehkar woh apna muh dusri aur kar leti hain.

Ashwini - "Toh kya main tumhare bhaiyaa se keh doon, ki tum shaadi nahi karna chahti ho? Ki woh tumhare liye koi ladka na dekhe ?"

Priya - "Nahi Nahi. Aisi baat nahi hain."

Ashwini - "Phir ? Toh kya baat hain ?"

Priya - "Bhabhi please mujhe pareshan mat kariye."

Ashwini - "Thik hain. Thik hain. Hum dusri baatein karte hain."

Priya - "Accha bhabhi yeh bataiye, bhaiyaa aapko kaise pasand aaye ?"

Ashwini - "Bas aa gaye. Kya mere pass aur koi option tha ?" Iske baad, dono saath mein hans padte hain. 

Kuch dino baad Diwali ka tyohar aane wala hain. Ek din, Amit ne Ashwini ko bulakar kaha, "Bahu. Kuch dino ke baad, Diwali aane wali hain. Main chahta hoon ki Diwali ki shopping ke liye, tum bhi Pooja aur Priya ke saath mein jaao."

Ashwini - "Thik hain Papa."

Agle din, ghar ki teeno auratein shopping ke liye chale jaate hain. Din bhar market mein ghum-ghumkar woh log duniya bhar ka samaan kharid laate hain. 

Diwali ke din, ghar ko bohut acche se sajaya jaata hain. 

Amit - "Aaj hamara ghar roshni se jagmaga utha hain. Yeh sab hamare Bahu ki mehnat aur lagan ka phal hain. Thank You very much Ashwini, ghar ko itni khubsurati se sajane ke liye."

Ashwini - "Isme thanks ki kya baat hain Papa. Yeh toh mera farz tha."

Amit - "Nahi beta. Tumne bohut acche se ghar ko sambhal rakha hain."

Tabhi Ashwini ka parivaar darwaze ke bahar aa khada hota hain. Amit aur Sushant bohut khushi-khushi un logon ka swagat karte hain. 

Amit - "Are samdhi ji aap ? Aaiye. Aapka swagat hain. Are Ashwini beta, tumne bataya nahi ki yeh log aa rahe hain ?"

Ashwini Ke Pita - "Use nahi pata tha. Humne socha, ki hum apni bitiya ko surprise de dete hain."

Amit - "Bohut accha kiya aapne."

Dono parivaar saath baithe bohut saari baat-cheet kar rahe the. Tabhi baat-cheet karte-karte, Ashwini Ke Pita kehte hain, "Bhai sahab agar aap bura na maano, toh main ek baat kehna chahta hoon." 

Amit - "Ji haan kahiye."

Ashwini Ke Pita - "Dekhiye diwali ka tyohar hain, aur yeh diwali hamari Beti ki pehli diwali hain apne sasural mein, isliye humne kuch tohfe laaye hue the. Aap please mana mat kariyega."

Amit - "Aapne itne dil se laaya hain, toh main mana nahi karunga."

Ashwini Ke Maata-Pita ne ghar ke sabhi sadasya ke liye tohfe laaye hue the. Aur woh dono sabhi ko unke-unke tohfe ke packets de dete hain. Tohfe mein ghar ki auraton ke liye saree thi aur mardon ke liye ghadi thi. Sabhi log apne-apne tohfe dekhkar bohut khush the. Aur sabhi ne Ashwini Ke Maata-Pita ka shukriyada kiya. Tabhi Priya bed par se uth ti hain aur uske ek pair ka payal Saree mein phans jaata hain. Woh apne pairon ko jhatka deti hain aur Saree thodi si phat jaati hain.

Tabhi Pooja kehti hain, "Bhaisahab aapki di hui Saree bhi aapki beti ki hi tarah hain. Naazuk." Yeh baat sabhi ko buri lag jaati hain. Baat ko sambhalte hue, Amit kehta hain, "Saree bhi kapde aur dhage se hi banti hain, toh naazuk hi rahegi. Priya beta, thoda dhyaan se utha karo. Itni khubsurat saree, itne pyaar se in logon ne di hain, use acche se mod kar rakh do."

Uske baad, sabhi log saath mein khana khaate hain aur kuch der tak yahan wahan ki baatein karne ke baad, Ashwini Ke Maata-Pita wapas apne ghar chale jaate hain. Agle din, Ashwini aur Priya, Ashwini Ke Maata-Pita ki di hui Saree pehente hain aur sabse pehle Amit ke pass jaate hain, "Papa hum dono kaise lag rahe hain ?" Ashwini puchti hain. 

Amit - "Bohut acche lag rahe ho beta."

Priya - "Papa hum dono mein se sabse zyada khubsurat koun lag raha hain ?"

Amit - "Dono hi acche lag rahe hain."

Tabhi Sushant waha par aata hain. Aur Priya us se puchti hain, "Bhaiyaa. Hum dono kaise lag rahe hain ?"

Sushant - "Tum dono hi bohut khubsurat lag rahe ho."

Priya - "Hum dono mein se sabse zyada khubsurat koun lag raha hain ?"

Sushant - "Kya main sach kahun ?"

Priya - "Haan. Keh do."

Sushant - "Pakka ?"

Priya - "Ekdum Pakka."

Sushant - "Ashwini zyada khubsurat lag rahi hain."

Priya - "Haan. Bhabhi ki hi side loge aap."

Sushant - "Are Bhai Pati hoon main uska. Aakhir mera toh farz banta hain uski taareef karna."

Sabhi hans padte hain. 

Tabhi Priya Pooja se kehti hain, "Mummy aap hum dono ki photos kheench lijiye."

Pooja - "Aur ghar ka kaam koun karega ? Aaj toh Bahu Rani toh kaam karne se rahi, photos khichayengi na yeh."

Tabhi Ashwini kitchen mein chali jaati hain aur kaam karne lagti hain. Ghar ke sabhi log saath mein khaana khaate hain. Sabhi log khamoshi se khaana khate hain. Uske baad, sabhi log apne-apne kamre mein sone ke liye chale jaate hain. 

Us raat, lete-lete Ashwini kuch soch rahi thi. Tab Sushant us se puchta hain, "Kounse khayalon mein khoyi hui ho ?"

Ashwini - "Shayad mummy mujhe pasand nahi karti hain ?"

Sushant - "Tum aisa kyun sochti ho ?"

Ashwini - "Kabhi bhi mera zikr hota hain unke saamne toh, woh ajeeb hi bartaav karne lagti hain."

Sushant - "Aisi koi bhi baat nahi hain."

Ashwini - "Phir kya baat hain ?"

Sushant - "Kya baat hogi ? Kuch bhi nahi hain. Sab kuch thik hain."

Ashwini - "Tum samajh nahi rahe ho."

Sushant - "Kya samjhana chahti ho tum ? Samjhao."

Ashwini - "Tumhari Mummy ka aaj ka bartaav dekha kya tumne ? Aaj kitna ulta kaha hain unhone. Kya main ghar ka kaam nahi karti hoon kya ? Ya maine kabhi bhi kharab bartaav kiya hain, tumhare parivaar walon ke saath ?"

Sushant - "Kya yeh tumhara parivaar nahi hain ?"

Ashwini - "Haan hain."

Sushant - "Phir ?"

Ashwini - "Tumhari mummy mere saath acche se bartaav nahi karti hain."

Sushant - "Yaar agar tumhe raat mein tamasha karna hain toh mujhe maaf karo. Mujhe sone do, please. Mujhe kal subah kaam par bhi jaana hain."

Ashwini gusse mein palat jaati hain aur woh Sushant ki aur peeth karke so jaati hain. 

Agle din woh dono ekdusre se koi bhi baat-cheet nahi karte hain. 

Shaam mein khaana khaate waqt, Amit Sushant se puchta hain, "Kya kal tumhari chutti hain ?"

Sushant - "Haan Papa."

Phir Amit kehta hain, "Ab sab log meri baat dhyaan se suno."

Sabhi log Amit ki taraf dekhte hain. Amit apni baat shuru karta hain. "Jab se bahu raani ghar mein aayi hain, tabse woh kabhi bhi kahi bahar ghumne ke liye nahi gayi hain. Toh main chahta hoon, ki kal Sushant aur Ashwini saath mein ghumne ke liye kahi jaayenge."

Sushant - "Papa hum sab log saath chalte hain na."

Amit - "Nahi beta. Tum dono ki nayi-nayi shaadi hui hain. Kabhi-Kabhi pati-patni ko akele mein bhi thoda sa waqt bitana chahiye."

Sushant - "Thik hain Papa."

Agle din woh dono saath mein bahar ghumne ke liye jaate hain aur shaam mein wapas ghar laut aate hain. Ghar pahuchte hi, Ashwini Pooja se kehti hain, "Mummy agar khaana nahi bana hain, toh main bana deti hoon."

Pooja - "Tum chaho toh aaram kar lo. Main khana bana dungi. Bahar se ghum kar aayi ho, tum thak chuki hogi."

Ashwini - "Nahi mummy, main kaam kar lungi."

Ashwini apne kamre mein jaati aur apne kapde badal kar bed par let jaati hain. Thodi der baad, uski aankh lag jaati hain. Kareeb do ghanto ke baad, uski neend khulti hain. Uski nazar ghadi par padti hain, toh woh dekhti hain ki raat ke 8 baj rahe hain. Woh jhat se uthti hain aur apna muh dhoti hain. Phir woh turant kitchen ki aur jaati hain. Kitchen mein Pooja khaana bana rahi hoti hain. Ashwini toh sa darr se Pooja se kehti hain, "Sorry mummy woh mujhe thodi si neend lag gayi thi." Yeh kehkar woh gas ke pass jaati hain.

Pooja - "Agar kaam karna hain toh, pura kiya karo. Nahi toh mat karo."

Ashwini - "Nahi mummy, Iam sorry mujhe achanak se thodi neend lag gayi thi."

Pooja - "Bahane mat banaya karo Ashwini."

Ashwini - "Main sach keh rahi hoon Mummy."

Yeh sunte hi Pooja gusse mein uski taraf mudti hain aur uska haath bhi mudta hain. Pooja ke haathon mein kalchu hota hain, jis par garam tel rehta hain. Us garam tel ke kuch cheente Ashwini ke chehre par gir jaate hain. Woh dard se karah uthti hain. Ashwini ki cheekh sunkar sabhi log kitchen mein aate hain. Ashwini ka chehra thoda sa jal chuka hota hain. 

Amit aur Sushant use turant aspataal mein bharti karte hain. Doctor uska ilaaj shuru karte hain. Thodi der ke baad, Police aspataal mein aati hain, aur woh un dono se kuch sawaal karte hain. Phir woh doctor ko aadesh dete hain, ki jab bhi ladki hosh mein aayegi toh sabse pehle police hi andar jaayegi. Police ke ijaazat ke bina, ghar ka koi bhi sadasya usse nahi mil sakta hain. 

Kuch ghanto ke baad, Ashwini ko hosh aata hain aur Police andar jaati hain. Kareeb paune ghante ke baad, Police Officers bahar aate hain aur woh doctor se kehte hain, "Koi problem nahi hain. Yeh sirf ek accident tha." Yeh kehkar woh log chale jaate hain.

Amit - "Doctor sahab. Hum log apni bahu se kab mil sakte hain ?"

Doctor - "Aap chaho toh abhi jaa sakte ho. Lekin sirf ek hi aadmi jaa sakta hain."

Amit Sushant se kehta hain, "Jaao beta. Jaakar tum bahu se mil lo."

Sushant andar jaata hain aur Ashwini ka thoda jala hua chehra dekh kar uske aankhon mein aansun aa jaate hain. 

Ashwini usse bohut dheeme awaaz mein hi baatein kar paati hain.

Pooja ko apne bartaav par bohut sharmindagi mehsus hoti hain.

 

Kareeb ek mahine ke ilaaj ke baad, use aspatal se discharge milta hain. Ashwini ghar par pahuchti hain aur use dekhte hi Pooja uske saamne haath jodkar kehti hain, "Bahu mujhe maaf kar dena. Maine tumhe bohut dukh diye hain."

Ashwini - "Nahi mummy aap badi ho, aap maafi mat maangiye."

Pooja - "Main tumse kya kahoon, main toh khud ki hi nazron mein gir chuki hoon beta."

Ashwini - "Nahi nahi mummy please aap aisa mat kahiye. Saas bhi toh maa jaisi hi hoti hain na. Aur galti toh insaan se hi hoti hain. Aap please khud ko doshi mat tharaiye."

Us din ke baad se, Pooja ka vyavhar Ashwini ke saath bohut sneh bhara ho jaata hain. 

              - Ved Vineet Gautam