Gharana

 Ajay Grover ek businessman hain. Unki kirane ki dukaan hain. Ajay ki patni ka naam Sujata hain. Us dampati ki do santaan hain. Dono ladke hain. Bade ladke ka naam Sumit Grover hain aur chote ladke ka naam Vanraj Grover hain. Dono bhai filhal College mein padhte hain.

Ghar mein in charon ke alawaa ek aur sadasya hain. Woh hain Ajay ki Maa Nirmala Grover. 

Nirmala ek vridh mahila hain. Lekin, purane zamane ke khaan-paan ki wajah se veh bilkul chust aur durust hain. Poore parivaar mein bohut pyaar hain. Khaas Kar Sumit aur Vanraj toh apni Daadi Maa par bohut jaan chidakte hain. 

Teeno baap-bete roz subah samay se uthkar tayyar ho jaate hain. Dono bhai saath mein apne College chale jaate hain. Ajay har roz subah saat baje apni dukaan khol dete hain. Ajay ki kiraane ki dukaan unke ghar ke nazdeek hi hain. 

Ghar mein din bhar dono Saas-Bahu akele reh jaate hain. Sujata, Nirmala ki khoob seva karti aur woh bhi Sujata ko dil se aashirwad deti.

Ek din ki baat hain. Subah kareeb 10 baje ka samay tha. Ghar mein Nirmala aur Sujata akele the aur ghar ke teeno mard ghar ke bahar the. Tabhi unke ghar ki ghanti bajti hain. Sujata darwaaza kholti hain. Darwaaze ke bahar ek anjaan aadmi khada hota hain. Sujata ko dekhte hi woh kehta hain, "Madam daak aaya hain."

Sujata - "Kiska daak hain ?"

Daakiya - "Yeh Ajay Grover ji ka daak hain."

Sujata - "Kaha se aaya hain daak ?"

Daakiya - "Pata nahi madam. Kuch notice wagerah hain yeh."

Sujata - "Thik hain."

Daakiya Sujata ko chitthi de deta hain aur phir woh chala jaata hain. Sujata darwaaza band kar deti hain. 

Nirmala - "Koun tha bahu ?"

Sujata - "Daakiya tha Maa."

Nirmala - "Kaha se chitthi aayi hain ?"

Sujata - "Pata nahi. Inke hi kaam ka kuch hoga. Ab yeh shaam mein aayenge, toh dekhenge."

Nirmala - "Thik hain Bahu."

Shaam mein kaam khatam karke, Ajay ghar laut aata hain. Ghar pohuchte hi, apni Maa ko saamne paakar unke pair chuta hain aur woh Ajay ko aashirwad deti hain. Phir Ajay andar jaakar haath-muh dhota hain aur apne kapde badalkar wapas Hall mein aakar baith jaata hain. Phir woh Nirmala se kehta hain, "Toh maa kaisa raha aaj ka din ?"

Nirmala - "Accha tha beta."

Ajay - "Chalo badhiya hain."

Tabhi andar se Sujata, Hall mein aati hain aur Ajay se kehti hain, "Suniye Ji. Woh aaj ek daakiya aaya tha. Usne ek chitthi di hain."

Ajay - "Kaha hain woh chitthi ?"

Sujata - "Woh aapke saamne table par hain."

Apne saamne padi Mez par Ajay dekhta hain aur uski us lifafe par nazar padti hain. Ajay Mez ki aur jaata hain aur woh us lifafe ko uthata hain. Phir woh wapas takthe par aakar baith jaata hain. Ajay woh lifafa kholta hain aur us chitthi ko padhna shuru kar deta hain. 

Jaise-Jaise Ajay chitthi padhte jaata hain, waise-waise uske chehre ke bhaav bhi badalte hain. Ab woh bohut tanaav mein dikh raha tha. Ajay ka chehra saaf-saaf darsha raha tha ki koi musibat ki ghadi aa padi hain. 

Ajay ko tanaav grast dekh kar Sujata usse puchti hain, "Kya hua hain Ji ?"

Ajay - "Nahi kuch nahi. Bas dusri baat hain."

Sujata - "Aap bade chintit dikh rahe hain. Isliye maine pooch liya."

Ajay - "Woh tum nahi samjhogi. Woh business ki baatein hain."

Nirmala - "Ajay beta. Koi bhi samasya ho, zyada pareshan mat hona. Pareshan hone se koi hal nahi nikalta hain. Mann ko shaant rakho. Apne mann ko shaant rakhoge, toh tumhe har samasya ka nivaaran mil jaayega."

Ajay - "Haan Maa."

Thodi der ke baad, dono bhai bhi College se wapas aa jaate hain. Dono ko dekhte hi, Ajay kehta hain, "Aao mere baacho."

Dono bhai andar aate hain. 

Nirmala - "Mere aankhon ke sitaaron aao apni Daadi ke pass baitho."

Sumit aur Vanraj dono hi Nirmala ke bagal mein aakar baith jaate hain. Nirmala ek-ek karke dono ke chehre par apna haath pherti hain. Dono muskurate hain. Phir woh kabhi un dono ke chehre par toh kabhi un dono ke baalon par toh kabhi un dono ke gaalon par bade pyaar se apna haath pherti hain. Dono bhai apni Daadi ke gale lag jaate hain. 

Tabhi Sumit ki nazar Ajay par padti hain. Woh ab bhi chintit tha. Woh kuch pal ke liye Ajay ko dekhta hain. Woh ab bhi kisi gehri soch mein dooba hua dikhayi de raha tha. Apni jigyaasa ko dur karne ke liye, Sumit kehta hain, "Papa aap zara chinta mein dikhayi de rahe ho."

Ajay - "Nahi beta."

Vanraj - "Haan. Maine bhi dekha. Aaj aap kahi khoye-khoye hue lag rahe ho Papa."

Ajay - "Nahi beta koi baat nahi hain."

Nirmala - "Are woh koi kaagaz aaya tha. Ajay ne us lifaafe ko khola. Kuch der usmein aankh gaadkar padha aur tabse hi woh pata nahi kyun, apna muh latkaaye hue baitha hain."

Sumit - "Kya baat hain Papa."

Ajay - "Beta woh sarkaar ki notice aayi hain."

Vanraj - "Kaisi notice Papa ?"

Ajay - "Jis zameen par hamari dukaan hain, woh zameen sarkaari hain. Us jagah par sabhi dukaane gair-kaanooni hain. Aur hume ek mahine ka samay diya gaya hain. Toh ab hume us jagah ko ek mahine ke andar khaali karna hoga."

Sumit - "Ab ek mahine mein hum dusri jagah dukaan kaise kholenge ? Us mein toh kharcha bhi bohut ho jaayega."

Ajay - "Haan beta."

Vanraj - "Toh ab aage kya Papa ?"

Ajay - "Dekhte hain. Kal jaaunga sarkaari daftar mein. Wahan par baat karunga. Ab kal woh log kya kehte hain, us baat par hi nirbhar karega ki hume aage karna kya hain."

Sumit - "Aap zyada chintit mat hoiye. Koi Na Koi raasta nikal hi jaayega."

Ajay - "Haan beta."

Agle din, Ajay sarkaari daftar mein jaata hain aur shaam mein wapas ghar laut aata hain. Phir Sujata Ajay ke saamne aati hain aur kehti hain, "Aap Chai lenge ?"

Ajay - "Haan. Zara Do ghunt de dena."

Sujata andar jaati hain. Thodi der ke baad, woh Chai ka pyaala le aati hain aur muskurate hue, Ajay se kehti hain, "Yeh lijiye Chai."

 Ajay Chai ka pyaala haath mein pakadta hain aur Chai ki pehli chuski leta hain. Sujata Ajay ke saamne baith jaati hain. Tabhi Nirmala kehti hain, "Aur batao beta. Kaisa raha aaj ka din ?"

Ajay - "Thik tha Maa."

Nirmala - "Daftar mein gaye the tum ?"

Ajay - "Haan Maa."

Nirmala - "Toh koi baat bani tumhari ?"

Ajay - "Ho jaayega Maa dheere-dheere. Koi Na Koi raasta toh nikal hi jaayega. Waise bhi kuch socha hain maine. Dekhte hain. Agar bhagwaan ne chaha toh, jald hi samasya samapat ho jaayegi."

Sujata - "Kya socha hain aapne ?"

Ajay - "Sujata main dukaan bechne jaa raha hoon."

Sujata - "Toh uske baad, aage kaise chalega ?"

Ajay - "Woh bhi soch liya hain."

Sujata ek tuk Ajay ko dekh rahi thi.

Ajay aage kehta hain, "Main us dukaan ko bech kar dusri jagah par saste mein dukaan le lunga aur saara ka saara samaan bhi usi dukaan mein shift kar dunga."

Sujata - "Haan. Yeh sahi hoga."

Kuch dino mein hi Ajay apni dukaan bech kar, ek dusre jagah par dukaan le leta hain. Ghar mein sabhi log tanaav-mukt ho jaate hain. Khaas kar ke Ajay. Us dauraan Ajay ki neend haraam ho chuki thi. Lekin, ab woh kaafi dino ke baad, uska mann behad shaant aur prasanna hua hain. 

Thodi der baad, Sumit aur Vanraj bhi aa jaate hain. Un dono ko dekh kar, Ajay aur Sujata muskura dete hain. Sumit - "Kya baat hain Papa aaj kaafi dino ke baad, aap bohut khush lag rahe ho ?"

Ajay - "Haan beta. Khushi ki hi baat hain. Dekho woh dukaan toh aaj nahi toh kal toot hi jaayega. Toh us baare mein kuch bhi soch kar koi fayda nahi hain. Isliye maine dukaan ko bechne ka nirnay liya hain. Use bech kar koi dusri jagah par dukaan le lunga."

Sumit - "Yeh toh bohut accha ho jaayega phir toh."

Vanraj - "Ab toh aapki musibat samapt ho chuki hain na Papa ?"

Ajay - "Haan beta."

Vanraj - "Aur main bhi ek baat kehna chahta hoon."

Ajay - "Kya ?"

Vanraj - "Bhaiyaa ka result aaya hain. Unhone 70 % marks paaye hain. Ab bhaiyaa graduate ho chuke hain."

Sabhi log bohut khush hote hain.

Usi samay ghar mein, Rakesh Mehta dastak dete hain. Woh Ajay ke bohut purane dost hain. Rakesh Mehta ko dekhte hi, "Aaiye Mehta Sahab." Kehte hue woh khade hote hain aur dono gale lagte hain. Phir dono saath mein baith te hain. 

Ajay - "Kaafi lambe samay baad aapke darshan hue hain Mehta Sahab."

Rakesh Mehta - "Bas kaam mein thoda vyast tha."

Ajay - "Aur bataiye kaise hain aap ?"

Rakesh Mehta - "Thik hoon."

Ajay - "Ghar mein sab kaise hain ?"

Rakesh Mehta - "Sab thik hain. Main aasha karta hoon ki aap log bhi thik hi honge."

Ajay - "Haan hum log bhi badhiya hain."

Rakesh Mehta - "Suna hain. Dukaan bik chuki hain."

Ajay - "Haan. Lekin, dusre jagah le bhi liya hain. Kuch dino waha par kaam shuru ho jaayega."

Rakesh Mehta - "Aur batao Sumit kya chal raha hain aaj kal ?"

Ajay - "Abhi-Abhi graduate hokar aaye hain hamare Sahabzade."

Rakesh Mehta - "Ab aage ka kya socha hain beta ?"

Sumit - "Ab main Papa ke saath hi kaam mein unka haath bataunga."

Rakesh Mehta - "Bilkul sahi socha hain tumne beta."

Ajay - "Aur bataiye haal-chaal."

Rakesh Mehta - "Kuch baat karni thi aapse."

Ajay - "Haan kahiye."

Rakesh Mehta - "Sumit ke saamne kahun ?"

Ajay - "Agar koi dikkat ho toh, main Sumit ko andar bhej deta hoon."

Rakesh Mehta - "Nahi woh baat nahi hain."

Ajay - "Phir ?"

Rakesh Mehta - "Mere bhai ki ek ladki hain. Woh bhi haal hi mein graduate hui hain. Toh apni bhatiji ke liye, main Sumit ke baare mein soch raha tha."

Sumit zara sa sharma jaata hain. 

Ajay - "Beta tumne khud suna hain, Rakesh Uncle ne kya kaha. Main tumse sirf ek seedhi si baat kehta hoon. Agar tumhe koi aitraaz na ho toh hum aage baat badha sakte hain."

Sumit - "Mujhe koi dikkat nahi hain Papa."

Ajay - "Toh thik hain. Hum jald hi ladki dekhne ke liye chale jaayenge."

Kuch hi dino mein, woh parivaar ladki dekhne ke liye jaate hain. Ladki aur uska parivaar Ajay aur Sujata dono ko hi bohut bhaata hain. Ladki na keval dikhne mein sundar thi balki baaton se bhi bohut samajhdaar lag rahi thi.

Dono parivaar ke beech rishta pakka ho jaata hain aur Sujata us ladki ko muh dikhayi mein, sone ki ek anguthi deti hain. Nirmala bhi ladki ko dher saara aashirwad deti hain. Ladki ka naam, Archana hain. Kuch hi mahino mein, Sumit ki Archana se shaadi ho jaati hain.

 

Kuch dino mein hi Archana ghar mein sabka dil jeetne mein kaamyab ho jaati hain. Ab Archana ne ghar ke har sadasya ke dil mein apni ek khaas jagah bana li hain.

Ek shaam poora parivaar saath mein baitha hua hota hain. Tabhi Ajay kehta hain, "Bhai ab dekho Bahu Raani ghar mein aayi hain. Toh ab hamara farz banta hain ki hum log use nayi-nayi jagah ghumaye. Toh tum dono ab kahi bahar gaon ghum aao."

Yeh sunte hi Archana kehti hain, "Papa main nahi jaaungi."

Achaanak se mile is jawab se sabhi log bohut chaunk jaate hain. 

Archana - "Shayad aap logon ko meri baat pasand na aaye. Lekin, Chacha Ji ne hum logon se aapki paristhiti ke baare mein sab kuch khul kar bataya hain. Kitne kasht jhel kar haal hi mein aap log kaise tanaav-mukt hue ho. Jab paristhiti gambhir hain Papa, toh hum log kyun fisul-kharchi kare ? Kya mera farz nahi banta hain ki main bhi aapke saath dant kar khadi rahun ?"

Ajay - "Lekin beta abhi nayi-nayi shaadi hui hain. Kahi toh ghumne ke liye chale jaao."

Archana - "Ghumna-Phirna toh saari zindagi laga rahega Papa. Jab mujhe koi zaroorat hogi, toh kya main poore haq ke saath aapse nahi maangungi ? Main kahi ghumne nahi jaaungi Papa. Filhal aap logon se mujhe pyaar mile, is se zyada meri aur koi ummeed nahi hain."

Archana ki samajhdaari bhari baatein sunkar ghar mein sabhi log aashwast ho gaye. 

Tabhi Nirmala ne muskura kar kaha, "Hamari Bahu sundar hone ke saath-saath gyaani bhi hain. Hume tumpar bohut garv hain Bahu."

                 - Ved Vineet Gautam