Dhadkan

 Tarang ek naujawan ladka hain. Woh College mein padhta hain. Tarang ke saath class mein ek ladki padhti hain. Us ladki ka naam, Vedika hain. Tarang aur Vedika mein thik-thak dosti bhi hain. Yeh dono ek dusre bas thoda bohut hi jaante hain. 

Ek din ki baat hain. Tarang ek Shopping Mall mein gaya hua tha. Mall mein jaate hi, woh yahan-wahan dekhne laga. Aisa lag raha tha maano, woh shayad kisi ko dhundh raha ho. Tabhi Tarang ke saamne achanak se Vedika aa khadi hui. Tarang Vedika ko dekh kar aashcharyachakit reh gaya lekin, woh khush bhi tha. Tarang ke chehre ka bhaav dekh, Vedika usse puchi, "Kya baat hain Tarang, tum itne hairaan kyun dikhaayi de rahe ho ?"

Tarang - "Hairaan toh hoon hi, lekin main khush bhi hoon."

Vedika muskurati hain. 

Tarang - "Ab mera kaam aasaan ho gaya hain."

Vedika - "Matlab ?"

Tarang - "Kyunki tum meri madad kar rahi ho."

Vedika - "Matlab main samjhi nahi."

Tarang - "Tum ladkiyon ko kis kaam se zyada pyaar hain ?"

Vedika - "Kounsa kaam ?"

Tarang - "Shopping."

Vedika - "Hmm. Aur tum ladko ko toh us kaam se bohut perhej hain."

Tarang - "Bilkul."

Vedika - "Toh bataiye Sir, kya shopping karni hain ?"

Tarang apni jeb mein haath daalta hain aur ek lambi parchi nikaalta hain. Yeh dekh Vedika kehti hain, "Bas itne se khaaridaari ke liye tum ro rahe ho ?"

Tarang - "Mujhe toh aisa lag raha hain ki, saari zindagi ka saamaan kharidna hain mujhe."

Vedika hans padti hain aur kehti hain, "Zara apni lists dikhao. Phir main batati hoon ki, kharidaari ki shuruaat kaha se kare."

Tarang apni parchi Vedika ko pakda deta hain. Vedika kuch der use padhti hain aur phir woh Tarang se kehti hain, "Aao mere saath."

Vedika Tarang ko alag-alag dukaano mein le jaati hain aur uski poori kharidaari karwa deti hain. 

Kharidaari poori hone ke baad, Tarang ek lambi saans leta hain aur Vedika se kehta hain, "Tumhara bohut-bohut shukriya."

Vedika - "Thik hain. Main College mein milti hoon tumse."

Tarang - "Are Bhai nahi."

Vedika - "Phir ?"

Tarang - "Itna kaam karne ke baad, tum thak nahi gayi hogi ?"

Vedika - "Bilkul bhi nahi. Kya tum thak gaye ho ?"

Tarang - "Zara sa bhi nahi. Lekin ek baat kahun ?"

Vedika - "Haan kaho."

Tarang - "Agar aaj tum nahi aati, meri toh haalat ban jaati."

Vedika hans padti hain aur kehti hain, "Buddhu."

Tarang - "Nahi. Sach keh raha hoon."

Vedika - "Lekin aaj ke din ka main hisaab tumse zaroor chukta karaungi."

Tarang - "Woh toh abhi isi waqt ho sakta hain."

Vedika - "Woh kaise ?"

Tarang - "Kyun na hum dono saath mein lunch kar lein ?"

Vedika - "Hmm. Bhookh lag gayi hain tumhe."

Tarang - "Bohut zyada. Ab jaldi se tum yeh batao, ki tum kya khaaogi ?"

Vedika - "Mmm... Sochna padega."

Tarang - "Ek kaam karte hain. Food Court mein chalte hain aur wahan tay karte hain ki hum kya khaaenge."

Vedika - "Yeh bhi accha idea hain."

Tarang - "Toh chalo phir."

Vedika - "Haan chalo."

Dono saath mein Food Court jaate hain aur kuch der tak yahan-wahan ghumne aur dekhne ke baad, dono khaana order karte hain. Uske baad, woh dono saath mein ek table par baith jaate hain. Dono khaate-khaate yahan-wahan ki baatein karne lagte hain. 

Phir Vedika kehti hain, "Thik hain. Toh main chalti hoon."

"Chahiye toh main tumhe chod doon ?" Tarang puchta hain.

Vedika - "Nahi main chali jaaungi."

Tarang - "Thik hain. Bye."

Vedika - "Bye-Bye."

Uske baad, dono apne-apne ghar chale jaate hain. 

Agle din, dono College mein milte hain. 

Tarang - "Hi Vedika."

Vedika - "Hi Tarang."

Tarang - "Kal ke liye shukriya."

Vedika - "Ab toh tum sharminda kar rahe ho mujhe. Hum dost hain Tarang."

Tarang - "Woh toh hain."

Vedika - "Accha yeh batao, kal ghar mein saamaan sariyaane mein toh tumhara haal nahi hua tha na ?"

Tarang - "Nahi. Woh sab Mummy ne kiya."

Vedika - "Chalo accha hain. Aadhe kaam se toh tumhari jaan bachi."

Dono hans padte hain. Phir Vedika kehti hain, "Tumhari shakal hi kal bata rahi thi ki, tum kitne interested the is kaam mein. Tum behad khush nazar aa rahe the."

Tarang - "Ab main kya kahoon."

Vedika - "Are main toh tumhe ek baat batana bhool hi gayi."

Tarang - "Woh kya ?"

Vedika - "Kal mera janam din hain."

Tarang - "Bhai Vaah. Janam Din ki dher saari badhaiyaan."

Vedika - "Pehle se badhaai dekar tum bach nahi sakte ho. Kal tumhe aana padega."

Tarang - "Zaroor. Batao tumhe kya present chahiye."

Vedika - "Kal tum present raho. Bas yahi mera present rahega."

Tarang - "Thik hain. Kaha par aana hain ?"

Vedika - "Mere ghar. Sabse pehle toh tum mujhe apna Contact Number do. Main tumhe apne ghar ka address message karti hoon."

Tarang Vedika ko apna Contact Number deta hain aur Vedika use apne ghar ka pata turant message karti hain. Phir Tarang puchta hain, "Kitne baje aana hain ?"

Vedika - "Kal shaam saat baje."

Tarang - "Thik hain."

Vedika - "Der mat karna."

Tarang - "Zaroor."

Agle din, Tarang sahi samay par Vedika ke ghar pohunch jaata hain. Vedika ka Janam Din bohut acche se manaya jaata hain. Tarang Vedika ko tohfa bhi deta hain. Tarang Vedika aur uske parivaar ke saath khaana bhi khaata hain. Phir woh apne ghar chala jaata hain. 

Agle din dono College mein dobara milte hain aur khaali waqt saath beetate hain. College mein mulakaatein har roz toh hoti hi thi aur kayi baar dono ke beech shaam mein phone par baat-cheet bhi ho jaaya karti thi. 

Ek din ki baat hain. Tarang aur Vedika dono College ke Canteen mein baithe hue the. Woh dono yahan-wahan ki baatein kar rahe the. Tabhi Tarang kehta hain, "Vedika."

Vedika - "Haan."

Tarang - "Agar main tumse kuch puchna chahoon, toh kya main puch sakta hoon ?"

Vedika - "Haan Zaroor."

Tarang - "Kal kya hain ?"

Vedika - "Sunday hain."

Tarang - "Haan Sunday hain."

Vedika - "Toh koi khaas baat hain kal ?"

Tarang - "Main soch raha tha ki. Matlab maine socha ki kal koi Movie dekhne ke liye chala jaaun."

Vedika - "Haan Zaroor jaao. Kal ki chutti ka poora jashn manaao."

Tarang - "Haan par jashn akele thodi na manaaya jaata hain."

Vedika - "Toh kya tum mujhe invite kar rahe ho ?"

Tarang 'Haan' mein apna sar hilaata hain. 

Vedika - "Kaha jaana hain waise ?"

Tarang - "Jahan tum chaho ?"

Vedika - "Koi acchi movie dekhne ke liye chale ?"

Tarang - "Zaroori nahi hain ki movie hi jaaya jaaye. Jahan tum chaho hum chalenge."

Vedika - "Movie hi chalte hain."

Tarang - "Thik hain."

Vedika - "Thik hain phir. Kal milte hain."

Agle din, Subah-Subah Tarang ka phone bajta hain. Woh neend mein rehta hain aur woh neend mein hi phone uthata hain aur kehta hain, "Hello."

Phone ke dusri aur se Vedika kehti hain, "Hello Tarang."

Tarang - "Hello."

Vedika - "Tum neend mein ho shayad. Main baad mein baat karti hoon."

Tarang - "Thik hain."

Vedika phone kaant deti hain. Kareeb do ghante ke baad Tarang ki neend khulti hain. Use yaad aata hain ki jab woh neend mein tha, tab usne kisi se phone par baat-cheet ki thi. Woh apna phone check karta hain aur paata hain ki usne Vedika se baat-cheet ki thi. Tarang turant Vedika ko Call lagata hain. Do-Teen ghanti bajne ke baad, Vedika call uthati hain aur woh kehti hain, "Hello Tarang Good Morning."

Tarang - "Good Morning Vedika."

Vedika - "Kaise ho ?"

Tarang - "Main thik hoon. Tum kaisi ho ?"

Vedika - "Thik hoon. Ghar mein sab kaise hain ?"

Tarang - "Sab thik hain. Tumhare ghar mein ?"

Vedika - "Sab thik hain."

Tarang - "Aur batao."

Vedika - "Waise aaj tum kahi bahar jaane wale the."

Tarang - "Kaha ?"

Vedika - "Tum aaj kisi ke saath kahi jaane wale the."

Tarang kuch pal sochta hain aur phir use achaanak se yaad aata hain. Woh kehta hain, "Are haan haan. Kounsi movie dekhni hain, kuch tay kiya tumne ?"

Vedika - "Haan ek acchi movie lagi hain."

Tarang - "Accha ? Kaha par ?"

Vedika - "Destiny Cinema Hall mein."

Tarang - "Kitne baje ka show hain ?"

Vedika - "Dopahar teen baje ka."

Tarang - "Thik hain. Do baje hum log Destiny Cinema par milte hain."

Vedika - "Thik hain. Bye."

Tarang - "Bye-Bye."

Tarang Destiny Cinema ke bahar khada Vedika ka intezaar kar raha tha. Woh kabhi yahan-wahan dekhta toh kabhi ghadi ki aur. Tabhi achaanak se uski nazar Vedika par padi. Laal rang ke gown mein Vedika behad khoobsurat dikhayi de rahi thi. Vedika ko dekhte hi, woh use bas dekhta hi reh gaya. Dono movie dekhte hain aur saath mein bahar aate hain. Is dauraan Tarang ki nazar Vedika se hath hi nahi rahi thi. Vedika is baat ko bhaanp chuki thi. 

Vedika - "Kahi khoye-khoye se lag rahe ho Tarang."

Tarang - "Nahi toh."

Vedika - "Toh main chalun phir ?"

Tarang - "Haan. Nahi woh main soch raha tha ki, kisi restaurant mein snacks lete hain."

Vedika - "Thik hain."

Dono saath mein ek restaurant mein jaate hain. Tarang Vedika ke liye kursi khichta hain aur Vedika us kursi par baith jaati hain. Phir Tarang dheere se us kursi ko zara andar ki aur khiskaata hain aur woh Vedika ke saamne aakar baith jaata hain. Tarang ki aur se aisa bartaav Vedika ke liye naya tha. Use zara ajeeb bhi laga. Dono khaana order karte hain. 

Tabhi wahan par Vedika ke maata-pita aa jaate hain. Un dono ko dekh kar Vedika zara hairaan ho jaati hain. Vedika Tarang se apne maata-pita ko milwaati hain aur kehti hain, "Papa-Mummy yeh mera dost hain Tarang."

Tarang un dono ko 'Namastey' karta hain. Woh chaaron saath mein khaana khaate hain aur phir Vedika apne maata-pita ke saath ghar chali jaati hain. 

Agle din, dono Canteen mein milte hain. 

Tarang - "Hi Vedika."

Vedika - "Hi Tarang. Toh kahi baithe ?"

Tarang - "Hmm."

Dono saath mein ek table par baith jaate hain. Is baar Tarang Vedika ke liye kursi nahi khichta hain. 

Vedika - "Toh tum anjaan jagahon par hi kursi kheechte ho ?"

Tarang - "Matlab ?"

Vedika - "Kuch nahi."

Tarang - "Agar kal ki kursi wali baat tumhe buri lagi ho toh, main tumse uske liye maafi maang leta hoon."

Vedika - "Waise main soch rahi hoon ki main shaadi kar loon."

Tarang kuch nahi kehta hain. Vedika aage kehti hain, "Tumhari Shaadi karane ke baad."

Tarang hairaan reh jaata hain. Jhatke se Tarang ke muh se nikal jaata hain, "Main tumse pyaar karta hoon."

Vedika Tarang ko ghurti hain. Tarang ghabra jaata hain.

Vedika - "Aakhir Kaar tum pakde gaye."

Tarang - "Main tumhara gunehgar hoon. Ab tum mujhe jo saza dena chaho, mujhe manzoor hain."

Vedika kuch nahi kehti hain.  Woh dono khaamosh ho jaate hain. Kuch der ke baad, Vedika kehti hain, "College poora hone mein sirf che mahine baaki hain. Phir naukri bhi dhoondhni hogi. Uske baad, is baare mein baat karte hain."

Tarang - "Thik hain."

College poora hota hain aur dono ko alag-alag Company mein naukri lagti hain. Lekin, woh dono har roz shaam mein kahi bahar milte zaroor the. Is dauraan dono ek dusre ke aur kareeb aa jaate hain.

 Ek din ki baat hain. Dono ek restaurant mein baithe hue the. Tarang zara pareshaan nazar aa raha tha. Yeh dekh, Vedika kehti hain, "Badi uljhan mein nazar aa rahe ho ?"

Tarang - "Meri naukri jaa chuki hain. Meri itni koshishon ke bawjood, main tumhare kaabil nahi ban paaya."

Vedika - "Mohabbat koi pratispardha nahi hain, jo ki insaan ko kaabil banna pade. Naukri lagna-chutna toh saari zindagi chalta rahega."

Tarang - "Vedika maine socha tha ki main do teen saal mein acchi se acchi post par pohunchun. Jisse meri tankhwa badhe. Taaki mujhe tumhare maata-pita se baat karne mein aasaani rahe. Main kis muh se unse tumhara haath maangu."

Vedika - "Pyaar mein yeh sab nahi dekha jaata hain Tarang. Mohabbat aamdani ki mohtaaj nahi hain. Main apne maata-pita se baat karti hoon. Dekhte hain kya hota hain."

Tarang - "Thik hain."

Vedika aur Tarang dono apne-apne ghar walon se baat-cheet karte hain. Dono ke parivaar wale is rishte ke liye maan bhi jaate hain. Dono ki Shaadi badi hi dhoom-dhaam se hoti hain. Kuch samay baad, Tarang ko dusri jagah naukri lagti hain. Jisme use kai baar bahar gaaon jaana padta hain. Yeh Tarang ke liye ek naya anubhav tha. Is anubhav ne Tarang ko zimmedar banna sikhaya. 

Woh Vedika ko zindagi ki saari khushiyan dena chahta tha. Tarang ne ek faisla liya. Woh faisla tha, Vyapaar shuru karne ka. Tarang ne bohut mehnat se kaam kiya aur ab woh apne parivaar ko behtar zindagi dene mein saksham bhi ho gaya. Tarang aur Vedika aaj bhi kabhi-kabhi bahar saath jaate hain aur inhi palon mein dono ki mohabbat aur gehri hoti jaati hain.

                     - Ved Vineet Gautam