Nimesh Kumar ek Company mein naukri karte hain. Woh Sales And Marketing ke pad par karyarat hain. Nimesh Kumar jis company ke liye kaam karte hain, woh ek Computer Company hain. Nimesh ne Computer Engineering kiya hain. Nimesh ke ghar mein uske maata-pita hain aur woh apne maata-pita ki iklauti santaan hain.
Nimesh har roz subah tayyar hokar apne daftar par jaata hain aur shaam mein apna kaam khatam karke ghar laut aata hain. Woh aksar Bike se safar karta hain. Phir woh kuch samay apne maata-pita ke saath beetata hain.
Ek din ki baat hain. Nimesh apne daftar se ghar ki aur jaa raha tha. Woh apni Bike chala raha tha. Tabhi achaanak se, uski Bike band pad gayi. Lekin, kismat acchi thi ki, Bike ghar ke nazdeek hi band padi thi. Nimesh ne gaadi ki Chaabhi nikaal kar wapas lagaayi aur dobara shuru karne ka prayaas kiya. Lekin, woh start nahi ho paayi. Phir usne Bike ko dhakka diya, aur dobara Kick lagaya. Lekin, woh phir bhi shuru nahi ho paayi. Laakh prayaason ke bawjood, Bike dobara shuru nahi ho paa rahi thi. Aakhir mein, haar maan kar, woh apni Bike ko dhakka maarte hue apne ghar tak pohuncha. Bike ko dhakka maarne ke wajah se uska shareer zara paseene se bhar chuka tha.
Phir woh apne ghar ka darwaaza khat-khataaya. Darwaaza khulta hain. Saamne Nimesh ke pita khade the. Woh Nimesh ko dekh kar muskuraye aur phir Nimesh bhi muskuraya. Phir Nimesh ke pita ne kaha, "Andar aa jaao beta."
Nimesh ghar ke andar aata hain. Phir Nimesh Hall mein padi ek kursi par baith jaata hain aur uske Pita, uski saamne wali kursi par baith jaate hain. Dono Pita-Putr aamne-saamne baithe hue the.
Nimesh ke pita ne kaha, "Thak gaye ho shayad tum beta."
Nimesh - "Nahi Papa itna bhi nahi."
Nimesh Ke Pita - "Toh beta tumhe itna paseena kyun aa raha hain ?"
Nimesh - "Papa woh Bike zara si kharab ho gayi thi."
Nimesh Ke Pita - "Kaha par ?"
Nimesh - "Woh Bhujabal Uncle ke dukaan ke paas."
Nimesh Ke Pita - "Tab toh tum kaafi thak chuke hoge."
Nimesh - "Nahi Papa itna bhi nahi."
Nimesh Ke Pita - "Thakaan tumhare chehre par saaf nazar aa raha hain."
Nimesh muskurata hain.
Nimesh Ke Pita - "Chai loge ?"
Nimesh - "Haan."
Nimesh Ke Pita apni Patni ko aawaz lagate hain. Nimesh ki Maa Hall mein aati hain. Tabhi achaanak se unke darwaaze par koi dastak deta hain. Dono Pita-Putr ki nazar darwaaze ki aur jaati hain. Darwaaze par Bhujabal Sahab khade the.
"Are Bhujabal Sahab, aaiye aaiye." Kehte hue, Nimesh Ke Pita Bhujabal Sahab ke nazdeek jaate hain. Dono ek dusre se haath milaate hain aur phir woh dono ek dusre ke gale lagte hain. Uske baad, dono saath mein Sofa par baith jaate hain. Nimesh Bhujabal Sahab ke pair chuta hain aur woh unhe aashirwaad dete hain.
Phir woh dono mitr aapas mein baat-cheet shuru karte hain.
Nimesh Ke Pita - "Aur bataiye Bhujabal Sahab, kaise ho aap ?"
Bhujabal Sahab - "Ekdum Badhiya."
Nimesh dhyaan se unki baatein sunn raha tha.
Nimesh Ke Pita - "Ghar mein sab log kaise hain ?"
Bhujabal Sahab - "Woh log bhi bilkul thik hain."
Nimesh Ke Pita - "Chalo Badhiya Hain."
Bhujabal Sahab - "Aur aap log kaise hain ?"
Nimesh Ke Pita - "Bilkul thik."
Bhujabal Sahab Nimesh ki aur dekhte hain aur kehte hain, "Aur Nimesh Beta. Aapka kya haal hain ?"
Nimesh - "Main bhi bilkul thik hoon Uncle."
Bhujabal Sahab - "Aapka kaam kaisa chal raha hain ?"
Nimesh - "Bohut hi accha chal raha hain Uncle."
Bhujabal Sahab - "Chalo yeh toh bohut hi acchi baat hain."
Phir Bhujabal Sahab, Nimesh Ki Maata ki aur dekhte hain aur puchte hain, "Aur Bhabhi kaisi hain aapki tabiyat ?"
Nimesh Ki Maa - "Bilkul thik hain Bhaisahab."
Bhujabal Sahab - "Aur abhi Maayke jaane ki koi yojna hain ki nahi ?"
Nimesh Ki Maa - "Abhi toh nahi hain Bhaisahab."
Phir Bhujabal Sahab Nimesh Ke Pita se kehte hain, "Are Bhai Kumar Sahab. Aapne woh Sharma Ji ke baare mein kuch suna kya ?"
Nimesh Ke Pita - "Kyun kya hua ?"
Bhujabal Sahab - "Unke ladke ki Shaadi tay ho chuki hain."
Nimesh Ke Pita - "Bhai Waah. Yeh toh bohut hi acchi khabar sunayi hain aapne."
Bhujabal Sahab - "Hmmm. Aath Mahine baad, unke ladke ki Shaadi hone wali hain."
Nimesh Ke Pita - "Chalo accha hain. Unke ghar bhi Bahu aa jaayegi, unhe bhi aaram mil jaayega."
Bhujabal Sahab - "Hmmm. Woh toh hain."
Tabhi Bhujabal Sahab ki nazar saamne table par pade akhbaar par padti hain. Akhbaar ko dekhte hi, unke chehre ki muskaan gayab ho jaati hain. Bhujabal Sahab ke chehre ka bhaav badala hua dekh kar; Nimesh Ke Pita puchte hain, "Kya hua Bhujabal Sahab ?"
Bhujabal Sahab - "Nahi Kumar Sahab. Kuch bhi nahi."
Nimesh Ke Pita - "Toh phir achaanak se aapke Chehre ka rang kyun udd gaya ?"
Bhujabal Sahab - "Yahi akhbaar ki wajah se."
Nimesh Ke Pita - "Akhbaar ki wajah se matlab ? Akhbaar ka aur aapke mann ka kya sambandh hain ?"
Bhujabal Sahab - "Hum sabhi jaante hain ki akhbaar mein aajkal kis tarah ki khabarein aati hain. Kahi kisi maut ki khabar, toh kahi kisi ke barbaad ho jaane ki khabar; toh kahi chori, dakati; toh kahi loot aur maar."
Nimesh Ke Pita - "Baat toh sahi kahi hain aapne Bhujabal Sahab. Duniya se Sukh khatam hota jaa raha hain. Is Sansaar ki shaanti bhang hote jaa rahi hain."
Bhujabal Sahab - "Pehle yeh sab nahi hua karta tha. Kumar Sahab aapko yaad hoga, hamare zamaane mein Samaaj aakhir kitna mil-julkar raha karta tha. Pehle toh anjaan vyakti ke saath bhi, Insaan khud ko mehfuz mehsus kiya karta tha. Lekin, ab ? Ab toh jaane-pehchaane logon se Insaan ko zyada khatra hain. Aaj-Kal ke zamaane mein, Insaan aakhir bharosa kare toh kis par kare ?"
Nimesh Ke Pita - "Duniya badal chuki hain Bhujabal Sahab. Pehle ke zamaane mein, Samaaj bohut mil-julkar raha karta tha. Aaj ke daur mein, Samaaj; Samaaj ki tarah reh hi kaha gaya hain ?"
Bhujabal Sahab - "Baat toh aapne bilkul sahi kahi hain, Kumar Sahab. Kaha pehle, ek aadmi jab zara sa bhi bimaar pad jaaya karta tha, tab poori Society uska khayal rakhne mein aa jaati thi aur ab ? Ab toh logon ko unke apno dard bhi dikhaayi nahi deta hain."
Bhujabal Sahab ki aankhon se aansun chalak padte hain.
Nimesh Ke Pita, Nimesh se kehte hain, "Are Beta zara Paani le aana Uncle ke liye."
Nimesh turant kitchen mein jaata hain aur ek Glass Paani bhar kar aata hain. Phir woh Paani ka Glass Bhujabal Sahab ko de deta hain. Woh Do-Teen ghunt Paani peete hain.
Nimesh Ke Pita - "Ab aap kaise hain ?"
Bhujabal Sahab - "Thik hoon."
Nimesh Ke Pita - "Mann halka ho gaya hain ki nahi ?"
Bhujabal Sahab - "Hmmm."
Waha par maujood sabhi log khaamosh the. Poore ghar mein sannata cha jaata hain. Kuch der baad, Nimesh Ke Pita ka Phone bajta hain. Woh apni jeb mein haath daalkar Phone bahar nikaalte hain aur dekh kar muskurate hain. Woh Bhujabal Sahab se kehte hain, "Sharma Ji ka Call aaya hain."
Phir woh Call utha te hain aur kehte hain, "Ji Sharma Ji Namastey."
Sharma Ji - "Namastey Kumar Sahab. Kaise hain aap ?"
Nimesh Ke Pita - "Bilkul thik hoon. Aap apna haal-chaal bataiye."
Sharma Ji - "Main bhi thik hoon. Ghar mein sab log kaise hain ?"
Nimesh Ke Pita - "Sab Badhiya. Wahan par sab log thik hain ?"
Sharma Ji - "Ekdum thik hain Kumar Sahab. Waise maine aapko ek khush-khabri dene ke liye Phone kiya tha."
Nimesh Ke Pita - "Ajay ki Shaadi tay ho chuki hain. Yahi na ?"
Sharma Ji - "Haan. Haan. Yahi baat hain. Aapko kaise pata chala ?"
Nimesh Ke Pita - "Are Bhai woh hamare yahan Bhujabal Sahab aaye hue hain milne ke liye. Toh unhone hi yeh khush-khabri di hain."
Sharma Ji - "Chaliye badhiya hain. Khoob charcha kar rahe ho aap log."
Nimesh Ke Pita - "Haan Bhai bohut acchi charcha chal rahi hain hamare beech. Aapko bhi yahan par maujood hona chahiye tha."
Sharma Ji - "Aainge-Aainge. Bhai hamare ghar ke Chirag ki Shaadi hain. Woh bhi toh aap hi ka ladka hain. Main Aaj-Kal mein shaam ke dauraan aata hoon aapke ghar par."
Nimesh Ke Pita - "Zaroor aaiye. Aap hi ka ghar hain Sharma Ji. Aapki Chai hamesha tayyar rahegi."
Sharma Ji - "Thik hain Kumar Sahab. Phone rakhta hoon phir. Aur jagah bhi batana hain abhi."
Nimesh Ke Pita - "Ji Zaroor."
Sharma Ji - "Namastey Kumar Sahab."
Nimesh Ke Pita - "Namastey Sharma Ji."
Sharma Ji Phone kaant dete hain.
Nimesh Ke Pita - "Kaafi dino ke baad baat-cheet hui hain Sharma Ji se. Chalo badhiya hain, unke ladke ki bhi Shaadi acche-acche ho jaayegi."
Bhujabal Sahab - "Hmmm. Woh baat toh hain. Unke ghar Bahu aa jaayegi. Bhabhi ko bhi thoda aaram mil jaayega."
Phir Bhujabal Sahab, Nimesh ki aur dekhte hain aur kehte hain, "Aur Beta. Tumhara kaam-dhaam kaisa chal raha hain ?"
Nimesh - "Bohut hi accha chal raha hain Uncle."
Bhujabal Sahab - "Dekho Sharma Ji ke ladke ki Shaadi ho rahi hain. Tum kab kar rahe ho Shaadi Beta ?"
Nimesh - "Dekhte hain Uncle. Abhi toh bas Naukri hi chal rahi hain bas."
Bhujabal Sahab - "Woh toh saari zindagi laga hi rahega Beta."
Nimesh muskurata hain.
Bhujabal Sahab - "Tumhare Papa aur mere beech itne der se baat-cheet ho rahi hain. Tum toh kuch keh hi nahi rahe ho."
Nimesh - "Main toh bas aap dono ki baatein sunn raha tha Uncle."
Bhujabal Sahab - "Chalo accha hain Beta. Waise hum dono ka dhyaan hi nahi pada tumpar. Itne der se hum dono hi aapas mein baat-cheet kar rahe the. Tumse thik se kuch baat ho hi nahi paayi."
Nimesh - "Aisi baat nahi hain Uncle. Aap logon ki baatein dhyaan se sununga, tabhi toh main kuch seekhunga. Tabhi toh mera Gyaan badhega."
Bhujabal Sahab - "Hmmm. Woh baat toh hain Beta."
Phir Bhujabal Sahab Nimesh ke Pita se kehte hain, "Toh Kumar Sahab, main aata hoon phir."
Nimesh Ke Pita - "Are Bhai, aap kuch khaa-peekar toh lijiye pehle, uske baad aaram se jaaiye."
"Ab kisi aur din. Filhal toh ijaazat dijiye Kumar Sahab." Kehte hue, Bhujabal Sahab uth khade hote hain. Nimesh Ke Pita bhi khade ho jaate hain. Dono ek dusre se haath milaate hain. Phir woh dono ek dusre ke gale lagte hain aur uske baad, Bhujabal Sahab chale jaate hain.
Nimesh Ke Pita, Bhujabal Sahab ko bahar tak chod aate hain. Phir woh ghar ke andar aate hain aur darwaaza andar se band kar dete hain.
"Aaj toh Bhujabal Sahab se bohut hi badhiya baat-cheet hui hain." Kehte hue, Nimesh Ke Pita Sofa par aakar baith jaate hain.
Nimesh Ki Maa - "Kaafi der se aap dono ke beech baat-cheet chal rahi thi."
Nimesh Ke Pita - "Hmm. Bhujabal Sahab se baat-cheet karte hue kitna waqt guzar gaya, pata hi nahi chal paaya. Aur dekho Sharma Ji ka ladka. Kitne jaldi bada ho gaya woh. Kuch hi waqt mein, us ladke ki bhi Shaadi ho jaayegi."
Nimesh Ki Maa - "Haan. Aaj toh yeh bohut hi badhiya khabar mili hain. Chalo acchi hi baat hain. Bhabhi ko bhi aaram mil jaayega."
Phir Nimesh Ke Pita ki nazar, Nimesh par padti hain aur woh Nimesh se kehte hain, "Beta tum kab kar rahe ho Shaadi ?"
Nimesh - "Dekhte hain Papa. Abhi itni jaldi hi kya hain."
Nimesh Ke Pita - "Abhi-Abhi tumhari Mummy ne kya kaha suna nahi ? Bhabhi ko bhi aaram mil jaayega. Sharma Ji aur unki patni ke jeevan mein khushiyan hi khushiyan aayengi."
Nimesh - "Lekin Papa. Abhi toh main zyada kama bhi nahi raha hoon. Aaj bhi aap aur Mummy hi mujhe sambhaal rahe ho. Main toh abhi tak apne pairon par thik se khada bhi nahi ho paaya hoon."
Nimesh Ke Pita - "Jab tumhare Sar par zimmedariyan aayengi, tum apne aap hi paripakv bante chale jaaoge. Jeevan tumhe seekhate jaayegi, tum jeevan se seekhte jaana bas."
Nimesh - "Ji Papa."
Nimesh Ke Pita - "Toh Shaadi ke baare mein koi vichaar karo."
Nimesh - "Ji Papa."
Phir Nimesh Ke Pita apne kamre mein chale jaate hain. Nimesh Hall mein hi baitha rehta hain aur woh sochta hain, 'Aakhir is Sansaar mein kitna kuch hain jaan ne ke liye. Gyaan woh Sagar hain, jiski gehraai ka koi ant nahi hain. Gyaan anant hain. Mujhe apne jeevan mein aage badhne ke liye, aajeevan Gyaan prapt karte rehna hoga.'
Comments
Post a Comment